|
Dei to viftene er bygd opp av materiale som er transportert ned og avsett ved munningen av Gravdalsgjelet og Ytre Gravdalsgjelet. Det meste av materialet er avsett i ope vatn då havnivået stod ca. 60 m høgare enn i dag. Grunna fjelloverflata og den bratte helninga til vifteoverflata er det rimeleg å tru at avsetninga er bygd opp av lag som fell sterkt mot nord, om lag parallelt overflata. På grunnlag av samansetninga til overflatematerialet ser massane ut til å vesentleg vere grus, stein og sand. Grunnvassnivået er lågt da massane er relativt grove og fjelloverflata heller sterkt. |