|
Mektige sedimentlag med kaotisk indre strukturar som sannsynlegvis er danna som randtrinn eller sprekkefylling i is. Ei svak ryggform over fjorden sør for Leirbakken ser ut til å stå i samband med breelvavsetjingar kartlagde på land (Kvartærgeologisk kart Tromsø M 1: 50 000; Blikra 1994). Seismikken viser og ei ryggform ved munningen av Sørbotnen som kan innehalde massar som kan eigne seg for opptak. Denne ryggforma er markert med Mg (mogleg grus) på teikning 98.102 - 05. Den svake ryggforma i forlenginga av Leirbakken er ein mogleg førekomst for opptak av sorterte massar. Det er ikkje tatt prøver, men på land inneheld ryggen mest sand. Ryggforma dekkjer eit areal på 9500 m2, har ei tjukne på gjennomsnittleg 15 m og dermed eit volum på 1425000 m3. Kor mykje av dette som er nyttbare massar er usikkert.
|
