|
Markert undersjøisk morenerygg/randtrinn som går tvers over fjorden. Største vassdjup over ryggen er 35 m. Ryggen er opptil 50 ms (35 - 40 m) høg over sjøbotnen, medan totalmektigheita av ryggen er opp mot 100 ms . Corner (1980) skildra snitt i ryggen på land, på Salmenes, til å vere oppbygd av dårleg sortert grus med blokker. Seismikk viser at parti av ryggen har tendensar til skrålag og parti av ryggen kan ha sortert grus. Ryggen kan vere eigna til uttak av grunnvatn og kanskje grus.
Ryggen er trekt ut som ein mogleg førekomst for uttak av sand, grus og salt grunnvatn. Største potensialet synest å vere i området rundt Tørrgrunna med minste vassdjup 2 m. Prøvene P9706132-133 viste lite glimmer i overflatelaget på ryggen, men dette kan vere misvisande ettersom det er straum over ryggen og glimmeret kan vere vaska ut. Arealet av ryggen er ca 300000 m2 , gjennomsnittleg tjukne av ryggen er 20 m og omtrentleg volum 6 mill. m3. Kor mykje av dette volumet som er massar som let seg nytte, er usikkert.
|
